Шейх М.Н. әл-Әлбанидің «Пайғамбар (оған Аллаһтың игілігі мен сәлемі болсын) намазының сипаттамасы, тәкбірден сәлемге дейін, оны өзіңіз көргеніңіздей» атты кітабын жариялауды жалғастырамыз. Соңғы тәшаһһуд «التَّشَهُدُ الأَخِيْرُ» Осы тәшаһһудтың міндеттілігі туралы «وُجُوبُ هَذَا التَّشَهُدِ» Төртінші ракағатты аяқтай келе, ол (оған Аллаһтың игілігі мен сәлемі болсын) соңғы тәшаһһудты айту үшін отыратын. Онда «ол «мутауаррик» үлгісінде отырудан басқасын (айтпағанда), бірінші тәшаһһудта істейтіннің барлығын бұйырды әрі істейтін[1]: (яғни) «оның сол балтырының үстіңгі бөлігі жерде болатын, ал екі аяғы бір жаққа (яғни оң жаққа) шығарылатын»[2]); «ол сол аяғын (оң аяғының) балтыры мен санының астына өткізетін»[3], «оң аяғының (табанын) тік тұрғызатын»[4], ал кейде «ол оны жерге төсейтін»[5], (осы кезде) «оның сол алақаны сол тізесін жабатын, әрі…